 |
Ghazal......
4:01 PM on 3 July 2008
Duniyaa se judaa kaisee yeh apnee tabeeyat hai
maiN meHv-e-moHabbat hooN, woh meHv-e-siyaasat hai! har saaNs meri Haq meiN ilzaam hai, tuhmat hai
zinda hooN tere Gham meiN, itnaa bhee Ghaneemat hai! ai ashk-e-saHargaahee! yeh kaisee muSeebat hai?
boloN to hai badnaamee, chup hooN to qayaamat hai! kehte huwe Dartaa hooN, warnah yeh Haqeeqat hai
duniyaa se shikaayat thee, duniyaa se shikaayat hai! aaNkhoN se sikhaate haiN aadaab-e-mai-o-meenaa
duzdeedah-nigaahee kaa andaaz qayaamat hai nairaNgee-e-dauraaN se, Sad-raNg-e-bahaaraaN tak
ai dil! teree qismat meiN kyaa kyaa naa muSeebat hai! be-faiZ yeh aaNsoo haiN shaayad teri nazroN meiN
lekin mere maZhab meiN naam in kaa i'baadat hai! Gham HaaSil-e-hastee hai, Gham manzil-e-hastee hai
Gham i'shq meiN hai to kyaa? Gham hee to moHabbat hai! bad-Haalee-e-qismat kaa ilzaam kise dooN maiN?
kuchh apnee hai kotaahee, kuchh teri mashiyyat hai ilzaam-e-junooN par maiN bad-dil hooN to kyoN kar hooN?
ilzaam-e-junooN hee to in,a'am-e-moHabbat hai! ai yaad-e-shab-e-furqat! le aayee kahaaN mujh ko?
Hairaanee se Hairaanee, weHshat se yeh weHshat hai! duniyaa "Mujhe" kehtee hai deewaana agar
kuchh jhooT naheeN is meiN walaah! Haqeeqat hai... |
Home
Search
Invite Help
Videos
Forum
Back to Mchauhan's Blog
Report Inappropriate Content